港姐冠軍雷莊𠒇曾被封為「最醜港姐」 11字終極反擊

2017年香港小姐冠軍雷莊𠒇（Juliette）今日（4/11）現身啟德出席首間「時尚作品快閃店」開幕活動。提到早年參加港香港小姐勇奪冠軍，及最上鏡小姐時，其外貌因擁有齙牙而受到評擊，被網民封為「最醜樣港姐」。

Juliette希望可以走打女路線。（葉志明攝）Juliette接受《香港01》訪問時大方回應：「其實我冇唔開心，但係我有少少覺得香港人同外國人對靚嘅嘢係好唔同，而我本身對自己係有信心，我係唔會覺得自己係醜樣。而我嘅笑容返到去加拿大係會好多工作，冇理由香港寫我係最醜樣，呢樣就係啱。我覺得要知道自己係好靚，同埋要對自己有信心，咁就唔會諗起人哋講你呢啲嘢。（面對各種負評，屋人會唔會都讚成你離開香港？）其實嗰陣時，好多人都知道無綫份合約冇咁好，例如賺錢就冇咁多，但我一返到去加拿大，嗰邊就會比較多工作機會，因為嗰邊冇咁多中國人。（而家係係咪喺香港傾緊工作？）我係呀，我想睇吓可唔可以喺香港發展到，因為我好鍾意香港嘅生活，加拿大嗰邊成日都要揸車，而呢度交通好方便，同埋好多嘢玩，又好多嘢食，加上呢度天氣好啱我，唔似加拿大嗰邊咁凍。」

Juliette早前出戰環球小姐2024香港區選美大賽，榮獲季軍及「最具台型佳麗獎」。（葉志明攝）